ENGLISHDEUTSCHKALAALLISUT

Angalaaraani

Tunumi feeriarneq – misigisassaqaqaaq! Soorlu eqqissisimaarnet; nipaatsumiilluni isikkivillu alianaatsoq isigalugu; atuarujoorneq; pisuttuarneq; Tunumiut naapisimaarlugit inuusaasiannillu paasisassarsiorluni; umiatsiakkut angalaarluni ilulissat arferillu isiginnaarlugit; Pisulluni ungasissumut aaqqutigiuminaatsukkut angalaarneq, aasami ukiumiluunniit, qaqqasiorneq; sermersuarmut qaqqarsuarnulluunniit paasisassarsiorneq.


Qup siull Neqeroorutigut Assiutivut Angalanernut paasissutis Nunatsinniit paasissutissat Suleqatit Attaveqarfigitigut    
Tunumut angalaneq tamatigut pissanganartuaannarpoq.

Ukiumi (December, Januar, Februarilu) nuannernerpaajusarpoq angalaarfigissallugu. Issittup nunataa pinnersoq takorusukkukku, taava ukiukkut maanngassaatit. Ullukinnerpaaq – decemberip 21-iat – tiimit tallimaannaat tunumi qaamasarpoq kiisalu qaammariartornera taarsiartorneralu tiimit marluk ilanngullugit pinnersumik qaamaneqarluni kiisalu tarraqarluni takisuunik.

Ukiumi arsarnerit takujuminarnerpaasarput, qimussimik angalaarsinnaavutit, sisoraatinik imaluunnit apusiutinik aloqutinik, pisuttuarluni angalaarnerit, imaluunniit sikukkut kangerluk pisuttuarfigalugu piniartut aalisartullu isiginnaajutigalugit.